Raf Yorumu: 🌟 (@ayseel)

Fragmanına baxanda: "Onu ilk gördüğümde zaten tanıyorum gibi hissettim." O vaxtlar hələ kitabını oxumamış, kor cahil mən elə fikirləşmişdim ki, uşaq vaxtı baxdığım, kimin əli kimin cibində məlum olmayan Braziliya seriallarındandır. Buna da çox sevinmişdim. Özledik kardeşim, yalan mı söyleyelim🧚🏻‍♀️…devamıFragmanına baxanda: "Onu ilk gördüğümde zaten tanıyorum gibi hissettim." O vaxtlar hələ kitabını oxumamış, kor cahil mən elə fikirləşmişdim ki, uşaq vaxtı baxdığım, kimin əli kimin cibində məlum olmayan Braziliya seriallarındandır. Buna da çox sevinmişdim. Özledik kardeşim, yalan mı söyleyelim🧚🏻‍♀️ Bəzən Clon-a filan başlamamaq üçün özümü zorla saxlayıram😬 Netflix qırx ildə bir yaxşı işlər çıxarır ki, bu da o işlərdəndir. Çox-çox bəyəndim. Həqiqətən kitabın haqqını veriblər və serial başladığı ilk andan romanın içinə daxil olduğunuzu hiss edirsiniz. O mistik atmosfer, metaforlar, cast, geyimlər, məkanlar — tək kəlmə ilə möhtəşəm idi. Səhnələri o qədər estetik idi ki... Və mən birinci yarını izləyib çox bəyəndikdən sonra kitabını oxumağa qərar verdim. Magik realizm janrını ilk dəfə sınayırdım. Kitabın möhtəşəmliyi və oxumaqdan aldığım zövq ayrı bir səviyyə idi. Oxumamışdan əvvəl tez-tez görürdüm ki, obrazları yadda saxlamaq çox çətindir, tez-tez əvvəlki səhifələrə baxmalı olursan kimi şeylər yazıblar. Heç də elə deyilmiş. Amma mən də özümə görə bir üsul kəşf etmişdim. Buendia ailəsini o qədər əzbərləmişəm ki, yəqin ki, gecə yuxudan oyatsalar, rahatlıqla saya bilərəm. Ümumilikdə elə böyük iradlarım yoxdur, amma ikinci hissənin birinciyə görə bir qədər geridə qaldığını düşünürəm. Bu mövsümdə bəzi hadisələrə və personajlara kiçik dəyişikliklər etmişdilər. Bir də elə epizodlar var idi ki, kitabda oxuyanda daha vurucu hiss edilirdi, amma ikinci sezonda həmin təsiri o qədər ala bilmədim. Bir az o mistik havası zəifləmişdi. Amma bu, tam olaraq serialın günahı da deyil. Çünki kitabda da ikinci yarıya keçəndə artıq nəslin yeni nümayəndələri gəlir və onlara alışana qədər özünü bir az yad hiss edirsən. Eyni hissiyat ikinci mövsümə baxanda da yaranır. Bəzi seriyaları film dadında və o qədər gözəl idi ki, həqiqətən ağlımda yer etdilər. Sarı çiçəklər, qan yolu metaforu, Makondodakı yuxusuzluq xəstəliyi, banan fabrikasında yaşananlar və s. — belə çox səhnə saya bilərəm. Final bölümü xüsusilə möhtəşəm idi. Həm serialı, həm də kitabı müzakirə etməyə qalxsam, həqiqətən çox mövzu açıb, çox da danışmaq olar. Ursula favorim sənsən ablam. Ah bacım, vah bacım. Nələr çəkdin sən axı belə. Neynəmək olar, sən görə bilməsən də, qorxan gözə çöp düşdü axır ki...